ነዋሪዎች የመፀዳጃ ቤት አጠቃቀማቸውን ማስተካከል እንዳለባቸው የደንበኞች ፎረም ተወካዮች አሳሰቡ።

የቃሊቲ ፍሳሽ ማጣሪያ ጣቢያን የጎበኙት የአዲስ ከተማ ቅርንጫፍ ጽ/ቤት ደንበኞች ፎረም ተወካዮች በፍሳሽ ቆሻሻ ማንሳት፣ ማጣራት እና ማስወገድ ላይ በቂ ግንዛቤ ማግኘታችውንና በአከባቢያቸው በግንዛቤ እጥረት ምክንያት በመፀዳጃ ቤት አጠቃቀም ላይ የሚስተዋሉ ችግሮችን ለመቅረፍ እንደሚሰሩ ገልፀዋል።

ከጎብኝዎች መካከል እስተያየታቸውን የሰጡት አቶ ይድነቃቸው አስራቱ ከየቤቱ የሚነሳው ፍሳሽ ቆሻሻ ሜዳ ላይ የሚደፋ ሳይሆን ከፍተኛ ወጪ ወጥቶበት የሚጣራ እና አከባቢን በማይበክል መልኩ የሚለቀቅ መሆኑ እንዳስደሰታቸው ገልፀው ቁርጥራጭ እና ጠጣር ነገሮችን ወደ መፀዳጃ ቤቶች የመጣል ተግባር ፍሳሽ ቆሻሻ የማጣራቱን ሂደት ስለሚያስተጋጉል መቆም አለበት ብለዋል።