ውሃ ከምርት እስከ ተጠቃሚው ለመድረስ የሚያልፍባቸውን ሂደቶች ያውቃሉ?

በዚህ የቅብብሎሽ ሂደት ውስጥ በተለይ በውሃ ማምረቻ እና ግፊት መስጫ ቦታዎች ላይ የኤሌክትሪክ ሃይል መቋረጥ ቢከሰት የውሃ ስርጭቱ ላይ የሚያስከትለው አሉታዊ ተፅዕኖ ከባድ ነው፡፡

ለምሳሌ፡- ከለገዳዲ የሚመረተው ውሃ ሽሮ ሜዳ፣ ፈረንሳይ እና ድል በር ለመድረስ ከ8 ጊዜ በላይ ይገፋል፡፡ በዚህም ከለገዳዲ ወደ ተርሚናል፣ ከተርሚናል ጃን ሜዳ፣ ከጃንሜዳ ተፈሪ መኮንን፣ ከተፈሪ መኮንን ሽሮ ሜዳ፣ ከዚያም አር1…፣አር2.. አር3 እያለ በግፊት እና በቅብብሎሽ ይጓዛል፡፡

በተመሳሳይ ሁኔታ ከአቃቂ ጉድጓዶች ተሠባስቦ ወደ GW3 ተብሎ በሚጠራው ማጠራቀሚያ እና ግፊት መስጫ ጣቢያ የሚገባው ውሃ መሃል አዲስ አበባ ለመድረስ ከ10 በላይ የቅብብሎሽ ሂደቶችን ያልፋል፤ ይህም ሂደት የውሃ ስርጭት ሂደቱን ውስብስብ ያደርገዋል፡፡

ይህ ብታውቁት ብለን ያሰፈርነው መረጃ የውሃ ስርጭቱን እንጂ የምርት ሂደቱን የሚያሳይ አይደለም፡፡ የምርት ሂደቱን በተመለከተ በሌላ ጊዜ እንመለስበታለን፡፡