የአዲስ አበባ ዉሃ እና ፍሳሽ ባለስልጣን ዘመናዊ የፍሳሽ አወጋገድ ላይ ያተኮረ ውይይት ከህብረተሰቡ ጋር አደረገ ።

ከዚህም በተጨማሪ የፍሳሽ አወጋገዱን እየተፈታተኑ ያሉትን ህገ ወጥ ተግባራት ህብረተሰቡ ተገንዝቦ ከባለስልጣኑ ጎን በመቆም ሀብቱን እንዲጠብቅ ግንዛቤ ለመፍጠር ነው ።

በዉይይቱም ዘመናዊ የፍሳሽ አወጋገድ አሁን ምን ደረጃ ላይ ይገኛል ፣ እየገጠሙ ያሉ ፈተናዎች ምንድናቸው የሚሉ መነሻ ጽሁፍ ቀርቦ ውይይት ተደርጓል ።

ተሳታፊዎችም በባለስልጣኑ ከፍተኛ ወጪ የተገነቡ የፍሳሽ መሰረተ ልማት ተጠቃሚ ለመሆን የግንዛቤ ስራ መስራት ፤ የማንሆል ክዳን በቶሎ መክደን መስመሩ ያልተዳረሰባቸውን አካባቢዎች ማዳረስ ከባለስልጣኑ የሚጠበቅ እንደሆነ ተነስቷል ።

ስርቆቱን መከላከል ፤ንብረቱን በባለቤትነት መጠበቅ እና በተዘረጉ መስመሮች ቅጥያ በማሰራት መጠቀም ከነዋሪው የሚጠበቅ እንደሆነ እና በትብብር መስራት እንሚያስፈልግ መግባባት ላይ ተደርሷል ።