የአዲስ አበባ ውኃና ፍሳሽ ባለሥልጣን የጥሪ ማስታወቂያ፤

የባለሥልጣን መ/ቤቱ በታህሳስ ወር 2010 ዓ.ም በሪፖርተር ጋዜጣ በተለያዩ የሥራ መደቦች የውጪ አመልካቾችን አወዳድሮ ለመቅጠር ባወጣው ማስታወቂያ መሠረት መስፈርቱን ያሟሉ ዕጩዎችን በፈተና አወዳድሮ በመለየት ቅጥር መፈጸሙ ይታወሳል፡፡

ይሁን እንጅ የፈተናው ውጤት እንደታወቀ የተወሰኑ አመልካቾች ቅሬታ በማቅረባቸው ጉዳዩ በኮሚቴ ታይቶ ከተጣራ በኋላ የውጤት ማስተካከያ ተደርጎና በመ/ቤቱ የበላይ ኃላፊ ጸድቋል፡፡

በመሆኑም በውጤታችሁ ቅደም ተከተል መሠረት በተገኙት ክፍት የሥራ መደቦች ልክ የሰው ኃይል እንዲሟላ ጥሪ ማስተላለፍ አስፈልጓል፡፡

በዚሁም መሠረት የስም ዝርዝራችሁ ከዚህ ማስታወሻ ጋር ተያይዞ የምትገኙት ዕጩ ተወዳዳሪዎች ከዋናው መ/ቤት እና ከቅርንጫፍ ጽ/ቤቶች ተጨማሪ የባለሙያ ቅጥር ጥያቄ በመቅረቡ በቅድሚያ ከሥራው ጋር የተዛመደ ሥልጠና በመስጠት ቅጥሩ እንዲፈጸም ተወስኗል፡፡ በመሆኑም ሥልጠናው የሚጀመረው ሐሙስ ነሐሴ 17 ቀን 2010 ዓ.ም ከጥዋቱ 2፡30 ሰዓት በመሆኑ በዋናው መ/ቤት አዳራሽ እንድትገኙ ጥሪያችንን እያስተላለፍን፤ በቀጣይም ተመሳሳይ ክፍት የሥራ መደብ ሲፈጠር ቀሪዎቹን ዕጩ ተወዳዳሪዎች በውጤታችሁ ቅደም ተከተል መሠረት ጥሪ በማስተላለፍ ቅጥሩን የምንፈጽም መሆኑን እንገልጻለን፡፡