የአዲስ አበባ ከተማ አስተዳደር ለሥራ አስኪያጅ ዘርፍ ተጠሪ የሆኑ ተቋማት የኮሙኒኬሽን አመራሮችና ባለሙያዎች የባለሥልጣኑ መሠረተ ልማቶች ጎብኝተዋል።

ጉብኝቱ የቃሊቲ ፍሳሽ ማጣሪያ፣ የጋራ መኖሪያ ቤቶች ያልተማከለ የፍሳሽ ማጣሪያ፣ የለገዳዲ የውሃ ማጣሪያ ጣቢያ እና የባለሥልጣኑን የስልጠና ማዕከል ያካተተ ሲሆን በጉብኝቱ ብዙ ግንዛቤ ማግኘታቸውን አስረድተዋል።

ከተለያዩ ሴክተር መ/ቤቶች የተውጣጡት ባለሙያዎች በጎበኙት የውሃም ሆነ የፍሳሽ ስራ አድካሚ ከፍተኛ  ድካም አንዳለው ተረድተናል ብለዋል።

በሁሉም ጉብኝት ጥሩ ግንዛቤ አግኝተናል ያሉት ጉብኚዎቹ ግንዛቤያቸውን ለሌሎች የህብረተሰብ ክፍሎች በማካፈል የተቋሙ አምባሳደር እንደሚሆኑም አረጋግጠዋል ።

በተለይም በውሃ ቁጠባ ዙሪያ እና ባዕድ ነገሮችን የፍሳሽ ማጣሪያ ጣቢያ ውስጥ ባለመጨመር ሃላፊነታቸውን እንደሚወጡም ቃል ገብተዋል። .